L’insignificato dei nomi,
un per un

El Mago de Umago,

Stroligo, tarocador, chiromastico,
sensitivico, esoenterico, ostroporchico,
cartomatico, sorzistico, vedotutico,
baladevetrico, paranormantico,
’sperto in fature, ricivute fiscali,
scontrini, scontri per ciavar
le sicurassioni, candele benedete
per far ciaro co va via la luse...
’desso ve spiega

l’insignificato dei nomi

Uni nome ga una sua origine, un suo insignificato, e ciamarse int’un modo pitosto che int’un altro vol dir de sicuro qualcossa; ma nome che mi che son mago so coss’che vol dir, perchè mi go studià e no son un inalfabeto qualsiassi. E alora ’desso ve conto pulito coss’che vol dir i nomi.